Ѕвездата на Рома, Пауло Дибала, им ја објасни својата прослава на бесните навивачи на Јувентус на: „Знам дека е тешко...“
Напаѓачот на „Џалоросите“ беше воодушевен од важната победа од 1:0 над неговиот поранешен клуб синоќа на „Олимпико“, каде одбраната на голманот Руи Патрисио пред самиот крај силно ја прослави крај аут-линијата заедно со неговиот соиграч Џини Вајналдум.
Очигледно, на многу навивачи на Јувентус не им се допадна да го видат нивниот поранешен идол да слави победа против „Старата дама“, толку многу што Дибала мораше да ја правда својата постапка на Telegram.
Прославата на Дибала за една одбрана навистина не делува како да има било какви симпатии кон поранешниот клуб.
Популарниот Ла Хоја преку својот официјален канал испрати порака до своите поранешни поддржувачи.
„Знам дека е тешко за вас, и за мене е исто така“, рече тој.
„Сепак, денес играм за друг клуб, со други соиграчи и морам да ги почитувам. Никогаш не е лесно да се победи и за нас тоа беше многу важно. Почитта секогаш ќе постои, не дозволувајте да бидете измамени од социјалните мрежи“.
„Само славев со моите соиграчи. Жал ми е што тоа го гледате вака. Голема прегратка за сите“, заврши напаѓачот.
Дибала го напушти Јувентус минатото лето, откако „Старата дама“ одлучи да не му понуди продолжување на договорот.
За време на неговиот седумгодишен престој во клубот, Дибала стана десеттиот најпродуктивниот играч на Јувентус на сите времиња, постигнувајќи 115 голови на 293 натпревари.
Оваа сезона со Рома има 12 гола на 24 натпревари. Синоќа беше во тимот, но Мурињо го замени во 73. минута. Рома ги освои трите бода благодарение на погодокот на капитенот Џанлука Манчини постигнат во 53. минута.