Аргентинскиот напаѓач Пауло Дибала е на излез од Јувентус, а според тврдењата на добро упатениот италијански новинар Танкреди Палмери, Интер стапил во контакт со „старата дама“ и одличниот напаѓач.
Екипата од Торино е подготвена да го продаде Аргентинецот на својот голем ривал, но Дибала се чини не сака ни да чуе за преминување во миланскиот клуб.
Дибала не сака ни да остане таму каде што е и подготвен е за трансфер летово, иако има договор до летото 2020 година.
Неговиот нов тим би требало да биде Манчестер Јунајтед која сака следната година да атакува и во Премиер лигата и во Лигата на шампиони, па управата реши да доведе неколку врвни засилувања.
Едно од нив би можело да биде 25-годишниот Дибала, за кого Јувентус бара 100 милиони евра, што според Палмери нема да биде проблем за Јунајтед.
Напаѓачот на Јувентус е решен да се пресели во Англија, а за тоа ќе има уште една шанса покрај Јунајтед – за него е заинтересиран и Ливерпул.
Дибала во дресот на Јувентус во неполни четири сезони одигра 175 натпревари и постигна 77 голови.