Синоќа двајца играчи на Јувентус се повредија, а посериозна е повредата на голгетерот Пауло Дибала кој може и да го пропушти Дерби д'Италија в недела.
Американецот Дејвид МекКени и Аргентинецот Пауло Дибала синоќа предвреме го завршија натпреварот против Сасуоло кој Јуве го доби со 3:1. Ако за МекКени прогнозите се оптимистички, за Дибала тоа не е случај.
„Заработи повреда на страничниот лигамент, коленото му остана горе: така настана повредата. Ги очекуваме резултатите од тестовите“, рече синоќа Андреа Пирло за повредата на аргентинскиот напаѓач.
Денешните испитувања покажаа дека мускулната повреда на МекКени не е сериозна и тој би можел да биде во комбинација дури и за натпреварот од Копа Италија против Џеноа в среда. Сепак, веројатно ќе биде само на клупата.
Затоа, пак, ситуацијата со Дибала е посериозна и тој не само што не е во комбинација за против Џеноа, туку се стравува и дека нема да може да игра в недела кога Јувентус гостува во Милано во Дерби д'Италија против лутиот ривал Интер.