Серија А ги подели наградите за минатата сезона во Италија.
Големата награда за најдобар играч му припадна на претставникот на шампионот Јувентус, Пауло Дибала.
Напаѓачот ја заработи наградата со 14 голови и 12 асистенции на 38 натпревари што ги играше во домашното натпреварување.
Објавени се и најдобрите фудбалери по позиции. Во составот на голманите беше прогласен Војчех Шченсни од Јувентус, а меѓу дефанзивците за најдобар е прогласен Стефан де Вриј од Интер.
Со своите 16 асистенции, капитенот на Аталанта Алехандро Гомес ја заработи наградата за најдобар играч од средниот ред, а логично освојувачот на Златната копачка, Чиро Имобиле, беше прогласен за најдобар напаѓач.
Наградата за најдобар млад играч му припадна на 20-годишниот Швешанец Дејан Кулушевски, кој беше активен во Парма сезонава. Тој е всушност Македонец од Шведска кој одби да игра за Македонија.
Победниците беа избрани врз основа на статистиките од натпреварите во Серија А, Копа Италија и Суперкупот минатата сезона.
Најдобар голман: Војчех Шченсни (Јувентус)
Најдобар дефанзивец: Стефан де Вриј (Интер)
Најдобар играч од средниот ред: Алехандро Гомес (Аталанта)
Најдобар напаѓач: Чиро Имобиле (Лацио)
Најдобар играч до 23 години: Дејан Кулушевски (Парма)
Најдобар играч: Пауло Дибала (Јувентус)
