Аргентинскиот фудбалер Пауло Дибала, според италијанските медиуми, одлучил да не го продолжи договорот со Јувентус.
Дибала наводно започнал преговори за нов договор, но набрзо Аргентинецот се повлекол од нив бидејќи ниту тој, ниту неговите агенти не биле задоволни од понудата.
Првичната понуда на Јувентус наводно била плата од 10 милиони евра по сезона. Но, бидејќи Дибала беше во лоша форма и често се повреди, преговорите се одолговлекуваа. Според SportItalia и Tuttomercato, целата ситуација го изнервирала Дибал и тој е подготвен ова лето да стане слободен играч.
Засилување за Барселона?
Италијанскиот новинар Руди Галети објави дека Барселона, која неодамна го засили нападот, е заинтересирана да го доведе Аргентинецот како слободен играч. Во овој преоден рок веќе се доведени Феран Торес и Пјер-Емерик Обамејанг.
Дибала оваа сезона забележа вкупно 23 настапи за Јувентус во сите натпреварувања. Тој постигна 11 гола и запиша четири асистенции. Тој пропушти девет натпревари поради повреди. Дибала во Јувентус пристигна во 2015 година од Палермо во трансфер од 41 милион евра.