Уште една голема фудбалска ѕвезда реши кариерата да ја продолжи Саудиска Арабија. Аргентинецот Пауло Дибала ја прифатил понудата од Ал Кадисија. Рома како обесштетување ќе добие 12 милиони евра.
Дибала експресно донесе одлука за својата иднина. Наредните три сезони ќе игра во Саудиска Арабија. Ал Кадисија годишно ќе му плаќа по 15 милиони евра.
30-годишникот кариерата ја започна во Институто во 2012 година. Две години подоцна се пресели во Европа, во Палермо. Дресот на Јувентус го носеше од 2015 до 2022 година кога премина во Рома. За „Волчицата“ одигра 53 натпревари и постигна 25 голови.
Ал Кадисија ова лето ги донесе поранешниот капитен на Реал, Начо Фернандес, Пјер-Емерик Обамејанг, Мексиканецот Хулиан Кињосес, Аргентинецот Еки Фернандес од Бока Жуниорс и белгискиот голман Кун Кастеелс, од мај таму е и довчерашниот играч на Каљари, Уругваецот Наитан Нандес, а од претходно и перуанскиот репрезентативец Андре Кариљо и бекот на Мајнц, Александер Хак.
Ал Кадисија лани беше прва во втората саудиска лига и во новата сезона ќе игра во елитата.
