Легендарниот италијански голман Џанлуиџи Буфон повторно го облече дресот на Парма по долги 20 години, поточно по 7.339 дена.
Буфон (43) дебитираше за Парма во 1995 година кога имаше само 17 години и 295 дена, а во 2001 година се пресели во Јувентус за кој играше 19 сезони и помина една во ПСЖ.
Тој освои сè во својата кариера освен Лигата на шампионите, а ова лето реши да се врати во својот матичен клуб.
На пријателскиот натпревар против Бохум во кој неговиот тим беше поразен со 1:0, бранеше во првото полувреме и ќе се обиде да му помогне на својот сакан клуб да се врати во Серија А откако минатата сезона го освои последното место во елитните редови на италијанскиот фудбал.
Интересно, негов тренер во Парма е неговиот поранешен соиграч од Јувентус, Енцо Мареска, кој е две години помлад од него.
