Технологијата брзо го менува светот околу нас, вклучувајќи го образованието и начините на едукација. Иако компјутерите преземаат голем дел од нашите дневни задачи, реалноста е дека потребата од едукација нема никогаш да исчезне, туку ќе заземе нов облик и ќе нè подготви да бидеме успешни во општеството на иднината.
Експертите предвидуваат дека една од големите промени во образованието ќе биде разноликоста во начините на учење, во различно време и на различно место. Тоа значи дека во блиска иднина, децата ќе го учат теоретскиот дел надвор од училниците, а практичните елементи ќе бидат учени директно, лице в лице.
Оваа година Webit.Festival Europe во Софија ќе собере повеќе од 300 говорници од целиот свет. Во текот на два дена (25 и 26 април ) тие ќе го споделуваат своето вредно искуство и знаење од најголемите компании во дигиталната индустрија, пред повеќе од 500 присутни индивидуалци од повеќе од 90 земји во светот.
Главната тема на настанот е „Промена на иднината на Европа“, а кој е подобар начин од ова, отколку преку квалитетно образование и развивање на вистинските вештини за потребните работни места во иднината.
За време на самитот Internet of Everything, Конрад Волфрам, директорот на стратешки развој во Wolfram Research, ќе зборува за тоа колку е голема потребата од разбирање на работни места, општеството и менаџментот во последниве неколку декади. Ќе зборува и за важноста на разбирањето на новата улога на компјутерите во општеството.
Норихиса Вада од Edulab ќе зборува за менување и одржување на однесувањето на индивидуалецот по позиција на ученик – мотивирање на луѓето, зголемување на нивната ефикасност и менување на нивните намери, верувања и желби. Според Вада, механизмите на видео игрите се одличен начин да се постигнат сите овие елементи. Тие обезбедуваат мотивација, моментален фидбек и безбедна околина за учење.
Оперската пејачка, композитор и директор на Wurrly, Надин Левит, ќе зборува за улогата на технологијата во образованието и како истата може позитивно да влијае на учењето во иднина.
Извршниот директор на Babbel.com, Маркус Вајт, ќе зборува за најновите трендови во учењето на јазици и промената на начините на кои комуницираме еден со друг.
Овде може да ја погледнете листата на говорниците на Webit.Festival, а овде може да се информирате за билетите за настанот.