Децата на Новак Ѓоковиќ, Тара и Стефан, растат безгрижно додека за нив се грижат родителите, како и остатокот од семејството. Тие двајца се центар на внимание за тенисерот и неговата сопруга Јелена, но и за мајката на Новак, Дијана, и таткото Срѓан.
Бидејќи најдобриот српски тениски шампион е многу побожен, за што сведочат зборовите на неговата мајка во емисијата „Dok anđeli spavaju“, многумина се изненадија кога таа откри дека нејзините внуци, децата на Новак и Јелена, не се крстени. Сепак, како што објасни таа, причината за тоа е многу рационална и има голема тежина.
Имено, Новак и Јелена сакаат да почекаат уште малку да пораснат нивните деца пред да направат таков чекор во нивниот духовен развој.
„Јас сум горда на него. Секој би го ставил успехот над духовниот мир. Новак е многу благодарен. Тој е благодарен за сè што постигнал, а тоа сè е вонземно. Се држи до своите принципи и верувања, тоа го прави човекот, го прави него“, започна Дијана во споменатата емисија и додаде:
„Новак го носи осветениот крст што го доби на Хиландар, што му дава сила. Таму помина три дена, тоа за него е многу важно искуство. Тој е многу духовно суштество, се крстеше кога имаше пет години и сериозно го сфати тој чин. Има нешто во себе. Постојано го прашувам кога ќе ги крсти децата, а тој ми вели 'кога ќе можат да го разберат чинот на крштевањето'. Тој сака Тара и Стефан да бидат свесни дека се крстени“, изјави Дијана.