Атрактивната спортска новинарка Дилета Леота (29) го привлече вниманието на социјалните мрежи по натпреварот помеѓу Торино и Јувентус со видео во кое за прв пат ги покажа своите фудбалски „способности“, но она што не оди во нејзина полза е фактот што не се прослави жонглирајќи.
Како дел од нејзината новинарска работа, Дилета работеше на градското дерби во Торино, популарното Дерби дела Моле, кое на крајот му припадна на Јувентус со резултат 1:0, а по натпреварот го искористи празниот простор и се сними како се обидува да жонглира.
По еден удар со коленото, оваа атрактивна спортска новинарка уште еднаш успеа да ја погоди топката со внатрешноста на стапалото, а бидејќи тој втор удар беше сосема неконтролиран, топката ѝ избега. Така, жонглирањето ѝ заврши само до 2 допира.
Како и да е, Дилета веднаш се насмеа, со микрофонот удри по камера, а видеото досега собра околу 360 илјади лајкови на нејзиниот Instagram профил.
Во последниве години, Дилета стана веројатно најпопуларната спортска новинарка во светот. Секогаш луѓето се радуваат кога ќе ја видат покрај фудбалскиот терен, а на Instagram ја следат речиси 8 милиони луѓе.
