Џим Кери е познат по своите необични и хумористични улоги, а неговата кариера која се протега повеќе од 30 години ја одбележаа различни незаборавни ликови.
Неговата способност да ги оживее најчудните ликови со речиси „еластичното“ лице го направи омилен меѓу публиката.
Во How the Grinch Stole Christmas Кери создаде своја верзија на ликот на Гринч, додека неговата најемотивна изведба беше во Eternal Sunshine of the Spotless Mind, каде ги покажа своите драмски способности.
Исто како Кери, режисерот Тим Бартон е познат по својата љубов кон бизарни и необични работи. Неговиот готски стил, кој комбинира елементи на хорор со хумор, е препознатлив во филмовите како Beetlejuice (1988) и Edward Scissorhands (1990). Бартон често работи со актери како Џони Деп и Хелена Бонам Картер, а тоа што Кери се нема појавено во неговите филмови се чини дека е вистинска штета.
Кери изрази восхит кон Бартон, изјавувајќи: „Отсекогаш сум сакал да работам со Тим Бартон. Генијален е“.
Кери и Бартон речиси се здружија за проектот Ripley's - Believe It or Not, кој ќе ја раскаже приказната за основачот на серијата, Роберт Рипли, и неговите авантури во потрага по необичности. Но, незадоволството од сценариото го запре проектот, а Бартон се повлече од функцијата режисер во 2008 година.
И покрај тоа што не работеле заедно, и двајцата сè уште се активни во индустријата.
Продолжението на Beetlejuice на Бартон веќе игра во кината, додека Кери ќе го видиме во Sonic the Hedgehog 3.
