Македонскиот репрезентативен голман Столе Димитриевски е прогласен за најкорисен играч на синоќешниот дуел што го имаше неговиот тим Рајо Ваљекано со Барселона.
Димитриевски ја зачува својата мрежа незатрсена и е најзаслужен за освоениот бод на Рајо на гостувањето на „Камп Ноу“.
За да биде успрехот на Димитриевски уште поголем, синоќа против себе го имаше Роберт Левандовски, кој го имаше своето официјално деби во дресот на Каталонците, но 90 минути остана без постигнат гол.
Со десетина одбрани Димитревски веќе трет натпревар по ред успева да не прими гол од шпанскиот фудбалски великан.
Инаку, во текот на минатата сезона, токму Барселона пројавуваше интерес за да го потпише македонскиот чувар на мрежа.
