Динамо ремизираше 0:0 со Селтик во шестото коло од Лигата на шампионите на „Максимир“ и со тоа обезбеди дополнителни 700.000 евра.
Со две победи и две нерешени загрепскиот гигант досега само од настапот во натпреварувањето заработи 5,6 милиони евра.
Вкупната заработка на Динамо од Лигата на шампионите се базира на 5 извори:
Почетен надоместок – 18,62 милиони евра.
Маркетинг базен и коефициент од последните 5 години – 4,68 милиони евра.
Премија врз основа на десетгодишниот коефициент – 5,19 милиони евра.
Освоени бодови – 5,6 милиони евра.
Конечен пласман – засега загарантирани 1,16 милиони евра.
Вкупната неофицијална заработка на Динамо моментално е 35,2 милиони евра, но клубот до крајот на сезоната би можел да достигне 50 милиони евра. Динамо има можност да ја зголеми заработката на преостанатите натпревари против Арсенал и Милан и преку паричната сума за конечниот пласман.
Со ова би можело да се затворат речиси пет шестини од годишниот буџет, кој изнесува околу 60 милиони евра.
