Династијата Малдини по 22 години чекање има италијански репрезентативец

Селекторот на италијанската репрезентација, Лучано Спалети, го објави списокот на повикани играчи за претстојните натпревари од Лигата на нации, а најмногу внимание привлече името на младиот напаѓач.

Династијата Малдини доби трет италијански репрезентативец. По славниот Чезаре и неговиот син Паоло, според многумина најголемиот дефанзивец на сите времиња, сега и најмладиот член на семејството Малдини, 22-годишниот Даниел, ќе биде во италијанската репрезентација.

Поминаа 22 години откако Паоло Малдини стави крај на репрезентативната кариера, а неговиот син Даниел сега го доби првиот повик и ги чека првите минути во дресот на „Аѕурите“. За разлика од неговиот татко и дедо, Даниел, кој игра за Монца, не е дефанзивец и е офанзивен играч за врска.

Инаку, Даниел можеше и да настапува за Венецуела бидејќи неговата мајка Адриана Фоса е Венецуелка.

Заедно со Даниел Малдини, на списокот на Спалети има уште тројца дебитанти. Тука е дефанзивецот на Милан, Матео Габиа, првиот играч на „Росонерите“ по две години минати во италијанската репрезентација откако си замина Сандро Тонали, а новајлии се голманот на Јувентус, Микеле Ди Грегорио и играчот од средниот ред на Рома, Николò Пизили.

Составот на Италија:

Џанлуиџи Донарума - ПСЖ (Франција)
Гуљелмо Викарио - Тотенхем (Англија)
Микеле Ди Грегорио - Јувентус

Алесандро Бастони - Интер
Раул Беланова - Аталанта
Алесандро Буонџорно - Наполи
Рикардо Калафjори - Арсенал (Англија)
Андреа Камбиазо - Јувентус
Џовани Ди Лоренцо - Наполи
Федерико Димарко - Интер
Матео Габиа - Милан
Кејлеб Околи - Лестер (Англија)
Дестини Удоги - Тотенхем (Англија)

Николò Фаџоли - Јувентус
Давиде Фратези - Интер
Лоренцо Пелегрини - Рома
Николò Пизили - Рома
Самуеле Ричи - Торино
Сандро Тонали - Њукасл (Англија)

Џакомо Распадори - Наполи
Матео Ретеги - Аталанта
Даниел Малдини - Монца
Мојс Кин - Фиорентина

Пред Италија се натпревари од групата 2 од Лигата на нации против Белгија и Израел и ќе се надева дека ќе продолжи со одличниот почеток на новата сезона бидејќи ги доби првите два натпревара.