На северот на Сибир се наоѓа џиновски кратер кој поради застрашувачкиот изглед, локалните жители го нарекуваат „Врата кон подземниот свет". Но, она што ги вознемирува локалните жители е тоа дека дупката постојано се зголемува во последните неколку години.
Длабокиот кратер Батагајка настанал како последица на глобалното загревање, што довело до загревање на сибирскиот пермафрост, области со вечен снег и лет. Затоплувањето предизвикува и екстремни еколошки и топографски промени.
Кратерот кој настанал во 60-тите години, денес е долг еден километар и длабок речиси 120 метри, а продолжува да се шири и да расте. Една од причините за појавата на кратерот е и сечата на шумата. Сега земјата во таа област е изложена на директна светлина, што ја загрева површината и го потикнува топењето на мразот.
Иако локалните жители се уплашени поради постојаното ширење на кратерот, научниците во кратерот гледаат прилика да направат истражувања за тоа како се менувала климата во минатото.
