По директната линија помеѓу Лиеж и Џенгжу и помеѓу Лиеж и Џиву, овој белгиски пристанишен град сега има трета директна врска со Кина - со градот Ченгду.
Овој нов воз на релација Европа-Кина за прв пат беше тестиран во јули 2020 година, а сега има редовна врска со тргнувања од тримодалното пристаниште Лиеж. Првиот воз пристигна од Ченгду на 2 јули 2020 година. Натоварен беше со медицинска опрема наменета за Велика Британија.
Оттогаш пристигнаа 40 дополнителни возови, кои превезуваа повеќе од 1.400 контејнери. Откако транспортираната стока ќе стигне до пристаништето Лиеж, тие се дистрибуираат со брод и воз до Бенелукс и Велика Британија. Железничката линија, која првично работеше еднаш месечно, сега достигна точка од неколкупати неделно.
Патувањето со возот поминува низ разни земји, како што се Казахстан, Русија и Полска и трае 20 дена. Ова овозможува уште побрза дистрибуција на стоки до крајната дестинација, објави порталот railfreight.com.
И покрај пандемијата со COVID-19 и нејзините последици врз железничкиот товарен сектор, Кина ја докажа својата способност да работи под овие невидени услови, осигурувајќи дека шпедицијата продолжува. Покрај фактот што железничките линии кон Европа беа обновени на почетокот на март 2020 година, отворањето на оваа нова железница неколку месеци подоцна обезбеди уште една директна врска помеѓу Европа и Кина.
Како резултат, терминалот за контејнери во Лиеж (Novandi Group) воспостави разни партнерства, особено со железничката компанија Lineas за да осигура дека железничкиот сообраќај меѓу Ченгду и Лиеж е непречено организиран и функционира.
Оваа нова врска помеѓу тримодалното пристаниште и Кина го зајакнува интермодалитетот во железничкиот транспорт, истовремено промовирајќи ги еколошките придобивки што ги носат.
„Благодарение на овој интермодалитет, ќе биде можно да се намали бројот на камиони на нашите патишта и да се одговори на загриженоста на Европа со цел да се намалат емисиите на СО2 во транспортот“, рече меѓу другото Емил-Луј Бертран, генерален директор на автономното пристаниште Лиеж.
