Социјалната мрежа Instagram полека почнува да ја воведува опцијата за праќање директни пораки и преку десктоп верзијата.
The Verge објави дека постапката засега е на ниво на тестирање, а за корисниците на Instagram ќе биде достапна нешто подоцна.
Во моментов, оваа опција ја имаат само мал број корисници.
Праќањето директни пораки преку веб верзијата на Insagram ќе функционира на ист начин како и преку апликацијата.
Корисниците ќе може да пристапат до директните пораки преку профилната страница или преку посебна страница за приватните пораки, исто како што е случај со апликацијата.
Десктоп нотификациите за директни пораки исто така ќе бидат достапни ако корисникот ги овозможи преку веб браузерот.
Првите информации дека се работи на тестирање на оваа опција се појавија пред една година.
