Кога е во прашање интервју за работа, главно се потпираме на советите дека треба да се информираме за компанијата и да имаме кредибилни препораки за работното место.
Питер Ропер, шеф на одделот за мобилни стратегии на Google, ја открива најважната работа што треба да ја направите на интервју со работодавецот.
„Кои се вашите слабости? Каде се гледате за пет години?“ се прашањата на кои е најлесно да се одговори, но според Ропер, воопшто не се важни.
Наместо тоа, тој советува дека поврзувањето со идниот шеф е многу поважно.
Тој повеќе ги сака прашањата како која ти е омилена боја, која е најлудата работа што си ја направил и што има на твојата листа на работи кои сакаш да ги направиш во животот.
Овие невообичаени теми на разговор на интервју за работа ги охрабруваат луѓето да ги споделат нивните страсти и желби, а и разговорот е позабавен.
„По разговорот, работодавецот ќе има прилика да сфати каква личност е кандидатот, што го интересира, што навистина сака да прави. Нашите најпродуктивни вработени се луѓето кои се среќни“, вели Ропер.
Затоа, на вашето следно интервју за работа, наместо да давате извежбани одговори, потрудете се вашиот потенцијален работодавец навистина да ве запознае.