Заработувачката на генералниот директор на нафтената компанија Royal Dutch Shell Бен ван Берден минатата година беше повеќе од двојно зголемена и достигна над 20 милиони евра.
Вкупната плата на Ван Берден во 2017 година изнесуваше околу 9 милиони евра, што беше сериозно критикувано од акционерите.
Зголемувањето на платата на директорот доаѓа во услови кога компанијата го зголеми годишниот профит за речиси 10 милијарди долари.
Неговата заработувачка сега е за 143 пати поголема од просечната плата на работник во Shell во Велика Британија.
Платата на Ван Берден е подолг период спорна, а посебно е критикувана во текот на 2017 година кога се случи експлозија на цистерна со нафта во Пакистан, во сопственост на подизведувач на Shell, при што загинаа повеќе од 200 луѓе.
Англо-холандската нафтена компанија во моментов е највредна компанија на берзата во Британија.
