Disney го објави првиот официјален трејлер за „Toy Story 4“
Љубителите на „Toy Story“ долго време чекаат на четвртото продолжение на овој анимиран серијал за да дознаат што се случува со нивните омилени ликови Вуди и Баз Лајтјиер. Disney денеска го објави првиот целосен трејлер за „Toy Story 4“.
Том Хенкс, Тим Ален и Џоан Кјузак повторно ги позајмуваат гласовите на Вуди, Баз и Џеси, додека Тони Хејл го позајмува гласот за новиот лик Форки. Анимираниот филм е режиран од Џош Кули, а неговата премиера е закажана за 21 јуни 2019 година.
