Disney вчера објави дека за улогата на Снежана во новиот игран филм, по сценарио од славниот цртан филм од 1937 година, ја одбра младата актерка Рејчеј Зеглер, која е одбрана и за улогата на Марија во римејкот „West Side Story“ на Стивен Спилберг.
Младата актерка веќе се истакна во мјузикли, а режисерот Марк Веб вели дека е импресиониран од нејзините вокали капацитети.
Продукцијата треба да почне во 2022 година, наведе Disney. „Снежана и седумте џуџиња“ е адаптација на бајката на браќата Грим, кои првата верзија ја објавија во 1812 година.
Изборот на актерка со португалско и полско потекло е уште една потврда на новитети на студиото Disney, претходно критикувани дека фаворизираат главно бели актери. Оваа одлука ги одушеви луѓето и предизвика позитивни реакции во јавноста.
„Неверојатните вокални можности на Рејчел се само дел од нејзините таленти. Нејзината сила, интелигенција и оптимизам ќе станaт интегрален дел од оживувањето на оваа класична Disney бајка“, изјави Веб.
