Во текот на патување со авион е многу потешко да се одржуваат мерките како физичка дистанца и носењето маски. Особено кога луѓето треба да јадат, да пијат и да седат покрај непознати луѓе.
Претставен е нов дизајн на економска класа по кој патувањето со авион би можело да се адаптира. Компанијата PriestmanGoode од Лондон го претстави концептот Pure Skies со кој луѓето би имале доволно приватен простор и што помалку би имале контакти со местото околу себе.
За почеток сметаат дека е најдобро да се укинат екраните на допир, седиштата би биле разделени и секој патник би имал приватен простор со што би се почитувала мерката на физичка дистанца. Масичките за јадење сè уште би биле достапни, но патниците сами ќе ги побараат кога ќе нарачаат оброк.
„Со искуство од 30 години знаеме како да направиме иновации. Размислувавме за иднината и промените при патувањето кога ќе заврши пандемијата. Според тоа го работевме и целиот дизајн, но на прво место ни е безбедноста на патниците“, вели Најџел Гуд, еден од сопствениците на компанијата.