Во доцниот 18-ти век во Гризволд, Конетикат, маж бил погребан со бутните коски поставени во форма на крст, што покажува дека неговите сограѓани од таа ера верувале дека тој е вампир.
Повеќе од 200 години подоцна, со помош на ДНК анализа, научниците открија како изгледа и дека, се разбира, тој е обичен човек.
Форензичарите од Parabon NanoLabs со седиште во Вирџинија и лабораторијата за идентификација на ДНК на вооружените сили (AFDIL), огранок на американската војска, заклучија дека починатиот маж (познат како JB55) имал околу 55 години и боледувал од туберкулоза во моментот на неговата смрт.
Користејќи софтвер за 3Д реконструкција на лицето, експертите утврдиле дека JB55 веројатно имал светла кожа, кафеави очи, црна или кафеава коса и пеги на лицето, пишува LiveScience.
Го откопале и му ги положиле бутните коски како крст
Врз основа на положбата на нозете и черепот во гробот, научниците веруваат дека неговото тело во одреден момент било ексхумирано и повторно закопано, практика поврзана со верувањето во вампири. Имено, луѓето често низ историјата, пред да се развие медицината, мислеле дека првите жртви на туберкулозата се всушност вампири.
Со оглед на тоа дека не разбирале како се пренесува оваа болест, мислеле дека се работи за вампири бидејќи по нивната смрт почнале да се разболуваат и други луѓе. Односно, тие верувале дека некои од првите жртви на туберкулоза станале од гробот, ги нападнале другите и ја ширеле чумата.
За да го спречат да „лови“ други членови од неговото семејство, мештаните најверојатно се собрале, го ископале ЈБ55, му ги преуредиле коските и повторно го закопале.
„Беа пронајдени човечки останки со бутните коски положени како крст на пределот на градниот кош. На овој начин тие се обидувале да ги спречат да станат од гробот и да го нападнат локалното население“, рече Елен Грејтак, директорка за биоинформатика во Parabon NanoLabs.
За да ја спроведат анализата, форензичарите прво извадиле ДНК од коските на „вампирот“. Сепак, тоа не беше лесна задача со оглед на тоа што останките беа стари повеќе од два века.
„Како што поминува времето, коските се распаѓаат и се фрагментираат. Исто така, еколошките супстанции како бактерии и габи завршуваат во такви стари примероци од коски“, вели Грејтак.
За време на класичното секвенционирање, експертите имаат за цел да го секвенционираат секој дел од човечкиот геном 30 пати, што дава т.н. 30X покриеност. Во случајот со остатоците од JB55, секвенционирањето даде само околу 2,5X покриеност.
За да ги пополнат празнините, научниците зеле ДНК од лице закопано во близина, роднина на JB55. Но, тие примероци дадоа уште полоша покриеност - околу 0,68X.
Кој точно бил овој „вампир“?
Parabon NanoLabs, кои извршија реконструкција на лицето, затоа спроведоа дополнителни анализи за да го постигнат најкомплетниот можен генетски профил, а потоа користеа компјутерска интелигенција за да го создадат изгледот на наводниот вампир кој чекорел по Земјата пред приближно 200 години.
Археолозите ги ископале неговите останки уште во 1990 година, но дури во 2019 година форензичарите ја извлекле неговата ДНК и ја пренеле преку онлајн генеалошката база на податоци, утврдувајќи дека ЈБ55 всушност бил човек по име Џон Барбер, сиромашен фармер.
Прекарот JB55 се базираше на епитафот на неговиот ковчег, кој ги означуваше неговите иницијали и возраста на смртта.
Неделава научниците ќе ги претстават резултатите од нивната анализа и реконструкција на лицето на Џон Барбер, обичен човек од 18 век кој локалното население го обвинуваа дека ноќе станува од гробот и ги напаѓа своите сограѓани, на International Symposium on Human Identification (ISHI) во Вашингтон.