Претседателот Џо Бајден за лошиот настап на минатонеделната дебата го обвини за џетлегот, велејќи им на новинарите дека „не бил многу паметен“ што пред дебатата „патувал низ светот неколку пати“.
„Не го слушав мојот персонал... а потоа за малку ќе заспиев на сцената“, рече тој.
Инаку, според BBC, Бајден (81) последен пат се вратил од патување на 15 јуни, речиси две недели пред дебатата што се одржа на 27 јуни. Сепак, тој го обвинува џетлегот, кое се случува кога летањето низ повеќе временски зони го нарушува природниот ритам на спиење, за неговите лоши перформанси на дебатата.
Оправдувањето на Бајден доаѓа во време на паника во партијата пред ноемвриските избори поради неговото ментално здравје, и откако конгресменот од Тексас стана првиот демократски пратеник кој го повика да се повлече по дебатата.
„Се надевам дека ќе донесе болна и тешка одлука да се пензионира“, рече Лојд Доџет во изјава во вторникот.
Бајден минатиот месец отпатува во Европа на две одделни патувања во период од две недели. На 15 јуни се појави на хуманитарна вечера заедно со поранешниот претседател Барак Обама по ноќното патување од Италија. Следниот ден се врати во Вашингтон.
Претставници на Белата куќа претходно изјавија дека Бајден се борел со настинка на денот на дебатата, потсетува BBC.
Сепак, Бајден во вторникот не спомна никаква болест. Портпаролката на Белата куќа изјави претходно во текот на денот дека тој не земал никакви лекови за настинка за време на дебатата.
Дополнително, Бајден, исто така, помина шест дена во Кемп Дејвид, претседателското центар надвор од Вашингтон, подготвувајќи се за неговата дебата против Трамп.
New York Times, повикувајќи се на неименуван извор запознаен со распоредот на Бајден, во вторникот објави дека неговите денови започнуваат во 11 часот наутро секое утро и дека секој ден има време да отспие.
