До каде е импичментот на Доналд Трамп?

Неделава имаше многу случувања во врска со истрагата за импичмент на американскиот претседател Доналд Трамп. Клопчето се одмоткува, а информации има безброј.

Демократите во Конгресот завчера најавија дека процедурата за импичмент на претседателот Трамп би можело да заврши до Божик, односно 25 декември.

Како што дознава CNN се оди на забрзување на постапката со одбегнување на судски расправи кои би ја одложиле истрагата, и ограничување на бројот на сведоци на јавните сведочења, додека истрагата од следната недела оди со сведочења отворени за јавноста.

Се вели дека ова сигнализира дека ако се оди според планот, Трамп може да биде отповикан од Конгресот во декември.

Ваквата динамика станува очигледна откако Адам Шиф, претседавач на Одборот за разузнавање при Претставничкиот дом, демократ од Калифорнија, објави старт на јавните сведочења идната недела, и дека постои лимит на бројот на сведоци кои ќе се појават на тие сведочења.

Кон ова се надоврзува и повлекување на судските покани за поранешни високи функционери во Администрацијата, како поранешниот советник за национална безбедност Џон Болтон, со што би можело да се одложи постапката бидејќи Болтон самиот изрази загриженост за скандалот со Украина и затоа летоска поднесе оставка.

Се укажува дека во текот на истрагата демократите во Конгресот собраа доволно докази додека во сесии затворени за јавноста испитаа десетици сведоци, за да можат да го отповикат Трамп, кој користејќи ја својата претседателска моќ, наводно извршил притисок врз Украина да отпочне истрага за свој политички ривал, поранешниот потпретседател Џо Бајден.

Ако се запази рокот, ова ќе биде една од најбрзите импичмент процедури во историјата на САД. Поранешниот претседател на САД, Ричард Никсон, се соочи со јавни сведочања во 1974 година,  цели две години откако започна истрагата за негов импичмент.

Во сличен рок каков ште е предвиден и за Трамп, отповикан беше и поранешниот демократски претседател Бил Клинтон, иако тоа се случи по неговиот пораз на изборите во ноември 1998 година. Гласањето за импичмент беше одложене за 19 декември 1998 година поради ракетирањата во Ирак.

За разлика од Клинтон, Трамп е во последната, предизборна година од својот мандат. Доколку биде отповикан, после импичментот на Ендрју Џонсон во 1868 година и на Клинтон во 1998 година, тој ќе биде третиот претседател во американската историја што ќе се најде во таква ситуација.

Трамп не е загрижен

Трамп вчера изјави дека не е загрижен од истрагата за импичмент, како и од тоа дека претстојат јавни сослушувања на сведоци во Конгресот.

Претседателот пред новинарите во  Белата куќа ги отфрли досега протечените сознанија од официјални лица, кажани на затворени седници, и ги искритикува демократите од Претставничкиот дом за тоа дека од следната недела овие сослушувања ќе станат и јавни.

„Не треба да се организираат јавни сослушувања, тоа се бројки“, рече Трамп.

Претседателот ги обвини демократите дека бараат луѓе кои ќе  покажат кон него, и изјави дека дури не ни ги познава повеќето од сослушаните сведоци.

„Не сум загрижен. Нема никаков проблем со сведочењата. За поголем дел од луѓето кои сведочеа дури не сум ни слушнал“, изјави Трамп пред репортерите во Белата куќа.

Белата куќа соопшти дека нема да соработува во истрагата.

BBC за Северна Америка направи краток пресек на новостите за тоа до каде е импичментот на Трамп.

реклама

Зошто треба да ставите алуминиумска фолија зад рутерот?

Read more

Едноставен и брз метод: Белите патики повторно ќе изгледаат како нови

Read more

Голем месечен хороскоп за април 2024: Ретрограден Меркур им ги мрси конците на неколку знаци

Read more

Како е поврзано пиењето кафе со ракот на дебело црево?

Read more

Свет

Израел ја нападна Сирија: 38 загинаа во Алепо, меѓу кои и членови на Хезболах

Read more

Лавров: Украинскиот план е бесмислен, вклучува повлекување на нашата армија од освоените територии

Read more

Огромна дупка во Рим проголта два автомобила

Read more

Во Франција за Велигден ќе биде распоредена полиција пред секоја црква

Read more
 

Вести

Донесено упатство за радиодифузерите за претседателските и парламентарните избори

Читај повеќе

Три лица искасани од кучиња скитници во Скопје

Читај повеќе

Петровска: Судот донесе одлука дека Ковачки неправедно ме клеветел

Читај повеќе

Тешка сообраќајна несреќа во Кичево: 3 млади лица го загубија животот, има и тешко повредени

Читај повеќе

Денеска се отвора Џевахир Мол Скопје во Аеродром

Читај повеќе

Притвор од 48 часа за две лица кои се задржани по убиството на лекарот во Железара

Читај повеќе

ВМРО-ДПМНЕ: Нашата идна Влада ќе спроведе ограничување на маржите на лековите и проширување на позитивната листа за бесплатни лекови

Читај повеќе

Силен земјотрес ја погоди Бугарија

Читај повеќе

Израел ја нападна Сирија: 38 загинаа во Алепо, меѓу кои и членови на Хезболах

Читај повеќе