Хотелот Sheldon Chalet се наоѓа на надморска висина од 1.829 метри, а оттаму се нуди прекрасен поглед кон Алјаска и разиграната поларна светлина.
До хотелот се доаѓа исклучиво преку воздушен пат, со приватен хеликоптер. Минималниот престој од три ноќевања чини 35.000 долари, а во цената е вклучен превозот, јадењето во гурмански ресторан и активности како санкање, планинарење и сауна на покривот.
Хотелот има 5 спални соби и може да прими најмногу 10 гости истовремено. Името го добил по архитектите Дона и Роберт Шелдон кои ја осмислиле кабината во 1996 година, а која во 2018 година е реновирана во луксузен хотел од нивните деца Роберт и Кејт.
„Едноставните работи како вода се всушност луксуз кога се наоѓате на глечер на висина од 1.800 метри“,вели Марни Шелдон, сопругата на Роберт.
Роберт вели дека чувството за ваков проект завршен од неговите родители не може да се опише, а нивната желба била и други луѓе да го доживеат ова место кое е поразлично од кое било друго место на планетата.
