MediaTek Dimensity 9200 е создаден во 4-нанометарскиот производствен процес на TSMC и ја користи архитектурата ARMv9. Користи Arm Cortex-X3 како примарно јадро и има графички процесор ARM Immortalis-G715 со ray tracing поддршка.
MediaTek го претстави Dimensity 9200, чипсет дизајниран за најмоќните телефони на пазарот, кој носи многу нови работи во индустријата за паметни телефони. Имено, се работи за SoC базиран на архитектурата ARMv9, која се базира на втората генерација на 4-нанометарскиот производствен процес на TSMC.
Dimensity 9200 е првиот чипсет што користи основно јадро Arm Cortex-X3 со такт на 3,05 GHz. Има и три Arm Cortex-A715 јадра за перформанси со такт од 2,85 GHz и четири Arm Cortex-A510 јадра за ефикасност од 1,8 GHz, пренесува GSM Arena.
Што се однесува до графиката, Dimensity 9200 има графички процесор ARM Immortalis-G715 со хардверски ray tracing, како и Variable Rate Shading (VRS) и ARM Fixed Rate Compression (AFRC). Секако, неопходно е да се спомене APU 690, кој носи 35 проценти подобрени перформанси во споредба со неговиот претходник. SoC, исто така, има поддршка за брза LPDDR5X RAM и складирање UFS 4.0.
Dimensity 9200 поддржува до два екрани со резолуција од 5K, со стапка на освежување од 60 Hz, WHQD екрани со стапка на освежување од 144 Hz или екрани со резолуција 1080p со брзина на освежување од дури 240 Hz. Исто така, тој е првиот SoC кој поддржува Wi-Fi 7 со пренос на податоци до 6,5 Gbps и може да се пофали со под-6GHz, mmWave 5G и Bluetooth 5.3 конекции.
Овој чипсет за заштеда на енергија ја користи технологијата „EXtreme Power Saving“ на MediaTek базирана на вештачка интелигенција, додека за обработка на фотографии има ISP 890 ISP. Првите телефони со чипот Dimensity 9200 ќе се појават на пазарот кон крајот на оваа година.
