Звучи неверојатно, но наскоро нема да можете да купите A6 со класичен погон. Да почнеме со ред.
Групацијата Audi, која покрај Audi ги вклучува и Bentley, Ducati и Lamborghini, исто така поминува низ тешки времиња. Во текот на целата година е забележан пад на продажбата, а со тоа и драстично намалување на приходите и добивката.
Групацијата во првите 9 месеци од оваа година забележа пад на продажбата од 10,9% со најлошото сценарио – најголем пад кај Audi. „Господарот на прстените“ продаде 8,5 отсто помалку автомобили во Кина, 9,8 отсто помалку во Европа и дури 16,8 отсто помалку во Америка. Bentley на патот кон електрификација забележа минус од дури 26,8 отсто. А единствено со плус е Lamborghini.
Севкупно, Групацијата продаде 1,25 милиони возила во првите три квартали од оваа година (пред 1,4 милиони), додека приходите паднаа од 50,4 на 46,3 милијарди евра. Оперативната добивка падна од 4,6 на 2,09 милијарди евра.
Особено загрижувачки е третиот квартал, во кој добивката на Audi падна за цели 91 отсто, на само 106 милиони евра. Во Audi резултатот го оправдуваат, меѓу другото, со „реструктуирање на трошоците поради реорганизација на фабриката на Audi во Брисел“.
Иако сликата не е розова, од Audi изјавија дека ја ажурираат својата гама и претставија 15 нови модели оваа година. Тука спаѓаат A5 и Q5, кои ќе имаат „забележително влијание врз обемот во наредната година“.
Да речеме и дека класично напојуваниот A6 заминува во пензија. Секако, Audi нема да се откаже од еден од најдобрите и најпродаваните деловни седани. Следната година ќе пристигне наследник и во согласност со ревидираната номенклатура ќе ја преземе ознаката А7.
