Македонија

Добивме покана, но без промена на името нема влез во НАТО

11. јули 2018 - 18:00 | МИА

Брисел, 11 јули (МИА) - Генералниот секретар на НАТО, Јенс Столтенберг потврди дека НАТО Алијансата денеска се согласи да и издаде покана на Македонија. Но, тој притоа јасно даде до знаење дека Македонија нема да добие право на влез во НАТО доколку не го смени името.

„Го поздравуваме договорот помеѓу Атина и Скопје и се согласивме да ја поканиме Владата во Скопје да започне пристапни преговори, откако ќе бидат заоркужени сите внатрешни процедури за да се финализира договорот земјата ќе влезе во НАТО како 30-та членка“, изјави генералниот секретар Јенс Столтенберг на прес-конференцијата по првата сесија на северноатлантскиот совет на Самитот на НАТО.

Столтенберг рече дека е оптимист за приклучокот на Македонија во Алијансата, но истакна дека тоа може да се случи само доколку се дејствува кон промена на името на државата.

„На луѓето во Македонија е да одлучат, ова е прилика што доаѓа еднаш во животот или ќе го поддржат договорот и ќе станат членки, или нема да го поддржат и нема да станат членки, не може двете работи да ги добијат. Нема зачленување без промена на името, на народот е да одлучи, истакна Столтенберг денеска на прес-конференцијата по првиот ден од Самитот на НАТО во Брисел.

Коментирај