Жан Тод им даде на обожавателите на Михаел Шумахер трошка надеж дека легендата на Формула 1 порано или подоцна ќе се опорави.
„Го видов Михаел минатата недела. Тој се бори“, изјави поранешниот шеф на Ферари за новинската агенција ДПА.
Тод е еден од ретките луѓе кои имаат дозвола од Корина Шумахер да се приближат на нејзиниот сопруг.
Семејството сака борбата на Михаел Шумахер да остане што е можно подалеку од центарот на вниманието.
„Она што можам да го сторам е да останам близу до нив и да им помагам кога ќе им требам“, изјави поранешниот шеф на Ферари.
Тој последен пат зборуваше за Шумахер во јули, кога за медиумите изјави дека се надева дека „светот ќе има можност повторно да го види Михаел“.
„На тоа се стремат тој и неговото семејство“, рече Тод.
Водечки неврохирург претходно оваа година изјави дека Германецот „многу се сменил“ откако претрпе сериозна повреда на мозокот. Тој, наводно, бил подложен на терапија со матични клетки во Париз во 2019 година и продолжува да се лекува дома.
