Мислите дека добрите момци се смотани и здодевни? Експертите не се согласуваат.
Девојките кои сакаат „лоши момци“ велат дека кај нив ги привлекува авантуристичкиот дух и спонтаноста, но врските со овие момчиња најчесто завршуваат со скршено срце и разочарување за девојката.
Од друга страна, добрите момци ги сметаат за здодевни, смотани, предвидливи. Експертката за врски и секс Трејси Кокс тврди дека добрите дечки се подобри во кревет од лошите момци. А тоа е само почетокот на листата предности на добрите момци.
Истражувањата конечно го потврдија она што веќе го знаат повеќето разумни жени: добрите момци почесто уживаат во сексот отколку лошите момци. Едно неодамнешно истражување покажа дека мажите кои им помагаат на другите се попривлечни за спротивниот пол, имаат повеќе сексуални партнерки и почесто уживаат во сексот.
Погрешно е врежаното мислење дека добрите момци се слабаци, па не дозволувајте тоа да ве залаже. Истражувањата покажаа дека добрите момци се подеднакво компетитивни колку и „лошите“, но се разликуваат во тоа што сакаат да им помагаат на другите и да бидат во добри односи со околината. Некои истражувања покажуваат дека браковите со добрите момци се подолготрајни, партнерите имаат поблизок однос, а исто така овие мажи се подобри татковци бидејќи имаат искрен однос со децата и генерално се задоволни од животот.
Сите оние кои мислат спротивно мешаат драматичност со љубов. Тоа што лошиот дечко ќе игра „топло-ладно“ со вас и бурно реагира на ситници, не е знак на страст, туку дека не сте компатибилни. Смиреноста е добра, не здодевна.
Знаете ли во што е разликата? „Лошите“ момци сметаат дека се подобри од вас и така и ве третираат. Добрите момци им се допаѓаат на сите и се пријатно друштво бидејќи имаат самодоверба и не им треба да омаловажат некого за да се чувствуваат подобро. Не се вообразени и нарцисоидни како „лошите“.
Пред сѐ, достапни се емоционално. Добриот дечко нема да ве лаже: ако ви каже дека нема девојка, значи нема девојка. Од друга страна, кога „лошиот“ дечко ќе ви каже дека „нема некој посебен“ во неговиот живот, тој и не лаже: девојките со кои се гледа повремено навистина не му значат ништо посебно.
„Лошите“ момци се со вас кога ним им одговара, но не сакаат обврски и „сериозни врски“, па затоа ги снемува кога сте во тешка ситуација или ви треба помош. Ве лажат за тоа каде се и со кого и за нив тоа не е ништо страшно. Затоа веднаш ќе дотрчаат кога им треба секс или емотивна поддршка, бидејќи тоа и обично го добиваат. Добрите момци ќе бидат со вас секогаш, во добро и лошо, и во обичните и во посебните моменти и ќе ви ја дадат поддршката што ви е потребна, бидејќи им значите.
