Во вториот викенд на прикажување, „Doctor Strange in the Multiverse of Madness“ повторно го освои врвот на бокс-офисот во Северна Америка, пишува Variety.
Со заработка од 61 милион долари во САД и во Канада, филмоt вкупно заработи 291 милион долари од прикажувањето во Северна Америка во текот на последните 10 дена. Кога станува збор за меѓународниот бокс-офис, второто продолжение на „Doctor Strange“ заработи 83.5 милиони долари, односно 688 милиони на глобално нив.
Првиот дел на „Doctor Strange“ во 2016 година заработи 232 милиони на домашниот пазар и 677милиони долари на глобално ниво.
Викендов премиерно беше прикажан римејкот „Firestarter“ на Стивен Кинг, со заработка од 3.8 милиони долари, доволно за да се најде на четвртото место. Филмот доби прилично негативни критики.
Меѓу првите пет филмови за највисока заработка се „The Bad Guys“ со 6.89 милиони, „Sonic the Hedgehog 2“ со 4.5 милиони и „Everything Everywhere All at Once“ со 3.3 милиони долари.