Многу гнев и критики предизвикаа снимките од резервните фудбалери на Џеноа како си играат со своите смартфони додека нивните соиграчи се мачеа на натпреварот со Парма.
Џеноа загуби на домашен терен од Парма во понеделникот со 1:2, а нашиот Горан Пандев влезе во игра во 69. минута, но не упсеа да му помогне на тимот да избегне незгоден пораз од директен ривал во борбата за опстанок.
Она што е мета на критики на Чизмата е снимката од разервните играчи на Џеноа кои наместо загрижено да го следат натпреварот, тие вниманието целосно го насочиле кон нивните смартфони.
Тројцата фудбалери кои сега се на тапет се: романскиот играч од средината Клаудиу Миковски, швајцарскиот напаѓач од српско потекло Дариан Малес, како и нигерискиот напаѓач Џоел Асоро, кој репрезентативно игра за младинската репрезентација на Шведска.
Навивачите на клубот се бесни, а медиумите велат дека клубот размислува да ги суспендира.