Некои луѓе се толку опседнати со мобилниот и правењето селфи што дури и кога се во опасна ситуација не се грижат за ништо, освен за добра фотка. Додека луѓето се обидуваат да ја спасат, една Канаѓанка е фотографирана како прави селфи качена на автомобил кој тоне во замрзната река.
Откако со автомобил наишла на река прекриена со лед и истиот почнал да тоне, исплашените сведоци на настанот барале начин како да и помогнат. Но, колку таа била загрижена за целата ситуација најдобро говори фактот дека со мобилниот си правела селфи за сето тоа да биде документирано со насмевка на лицето.
„Таа се фотографира додека луѓето избезумени сакаат да ѝ помогнат да спаси жива глава“, гласи еден од коментарите на социјалните мрежи.
„Мислам дека не постои подобра фотографија што ја опишува денешната ситуација“, „Живееме во погрешно време“, се дел од другите коментари.
Полицијата до Отава соопшти дека автомобилот пропаднал низ ледот на замрзната река и со голема брзина почнал да тоне.