Фудбалерите на ПСЖ вчера на импресивен начин ја освоија титулата шампион на Франција, но тоа го направија без својот најдобар поединец Нејмар да Силва.
Бразилецот заздравува од операција поради скршеница на стапалото, но не дојде на „Паркот на принцовите“ на натпреварот со Монако.
Додека „Светците“ без својата 222 милиони платена ѕвезда го „газеа“ Монако со 7:1, Нејмар во својот дом во Бразил играше покер на интернет.
Како свој „претставник“ на „Паркот на принцовите“ Нејмар го испрати својот татко и менаџер Нејмар Сениор, па на тој начин барем еден член на семејството Да Силва беше присутен на прославата на титулата на ПСЖ.
Нејмар јуниор после натпреварот им се јави на соиграчите, но преку Instagram каде им ја честиташе титулата.
„Навистина сакав да бидам поблиску до вас. Честитам! Напред Париз!“, порача Нејмар.
Се очекува Нејмар, вториот стрелец во ПСЖ и Лига 1 со 19 погодоци, да може да заигра за „Светците“ во последните неколку кола од шампионатот.
