Банкарската сметка на рускиот опозициски лидер Алексеј Навални е замрзната, а неговиот стан во Москва е запленет поради судска парница, вели неговата портпаролка Кира Јармиш.
Сето ова се случи додека Навални закрепнуваше во берлинска болница, поради труење со нервен гас.
„Ова значи дека Навални не може да го продаде, донира или стави под хипотека станот“, вели Јармиш во видеоснимка објавена на Twitter, пренесе Reuters.
Имотот на Навални е одземен на 27 август поради судска парница што ја има со школска кетеринг компанија. Судот во Русија минатата година во октомври донесе одлука Навални и неговите соработници да платат отштета од 1,4 милиони долари за клеветење на школска кетеринг компанија, бидејќи во едно видео го довеле во прашање квалитетот на храната што ја прави таа компанија.
Минатиот месец Навални беше префрлен од Русија во Германија поради здравствени проблеми предизвикани од труење со Новичок.