Претседателот на Република Српска Милорад Додик вчера за прв пат по пристигнувањето во Израел се огласи на социјалната мрежа Х. Да потсетиме, Додик завчера на сè уште непознат начин отпатува за Србија, по што вчера се упати кон Израел.
Како што неофицијално дознава порталот Crna Hronika, тој во колона возила го поминал граничниот премин Рача без воопшто да застане.
Откако пристигна во Израел, тој се огласи на социјалните мрежи и ги спореди Србите со Евреите.
Почео сам посјету Израелу, земљи чију снагу, историју и одлучност дубоко поштујем.
— Милорад Додик (@MiloradDodik) March 25, 2025
Израел показује да слобода и безбједност немају цијену и да народ који зна ко је - не пристаје да буде ни мета ни послушник.
Као што се Израел брани без извињавања, тако и Република Српска брани… pic.twitter.com/IhvsuzjYHn
„Започнав посета на Израел, земја чија сила, историја и решителност длабоко ги почитувам. Израел покажува дека слободата и безбедноста немаат цена и дека народот кој знае кој е - не се согласува да биде ниту цел ниту потчинет.
Како што Израел се брани без извинување, така и Република Српска го брани своето право на постоење, одлучување и зачувување на заветот на своите предци. Србите и Евреите се народи кои се обидоа целосно да ги избришат - и преживеаја. Затоа се разбираме. И затоа стоиме заедно“, напиша тој.
Граничната полиција на БиХ започна истрага за неговото нелегално преминување на границата.
