Кина потпиша мегадоговор за купување авиони од европскиот производител Airbus и тоа 290 A320 и 10 летала A350.
Договорот на векот беше склопен во рамки на државничката посета на кинескиот претседател Сји Ѓинпинг во Франција, каде се наоѓа седиштето на евроспкиот авиопроизводител.
Авионите ги купува државната кинеска компанија CASC (China Aviation Supplies Holding Company).
„Склучувањето на овој голем договор со Airbus е значаен напредок и извонреден сигнал за тоа колку е солидна размената меѓу Кина и Франција“, изјави денеска францускиот претседател Емануел Макрон на свеченоста за потпишување на договорот во Елисејската палата.