Авион Boeing 737-800 на норвешката авиокомпанија Norwegian Air со 169 патници утрово принудно слета на шведскиот аеродром Арланда во близина на Стокхолм откако добил дојава за поставена бомба.
Авионот полетал од Арланда за францускиот град Ница, но 25 минути подоцна се вратил на аеродромот, каде веќе биле распоредени полицајци и спасувачки екипи.
Сѐ уште нема информации дали заканата за поставена бомба била лажна или веродостојна.
