Атрактивната докторка Нанг Мве Сан, која сака да стане модел, остана без медицинската дозвола за работа поради објавување „неморални“ фотографии во костими за капење.
Во јануари годинава Советот на доктори на Мјанмар ја предупреди 29-годишната докторка да престане со објавување провокативни фотографии и да ги избрише досега објавените.
Таа го игнорираше нивното предупредување по што ѝ беше одземена лиценцата.
„Овде постои многу сексизам, не сакаат жени на повисоки позиции. Им судат на жените според облеката. Не сакаат да носиме панталони“, вели Нанг Мве Сан, која на Instagram ја следат повеќе од 120.000 луѓе.
„Ми рекоа дека имам нарушување во однесувањето. Општеството не го поседува женското тело. Мое тело, мое право“, порачува Мве Сан.
