Чек дис аут

Документарец на BBC исмејуван поради употреба на Photoshop

25. август 2019 - 17:20 | Б.С.Б.

Со намера да го прикажат животот во дивина подраматичен отколку што е навистина, продуцентите на новиот документарец на BBC, „Serengeti“ употребија Photoshop и наидоа на критики, па дури и на исмејување од страна на гледачите.

Спорна е сцената во која младенче на зебра се обидува да се пробие низ надојдена река полна со крокодили. Според многумина, главата на зебрата во реката е фотошопирана.

Четвртата епизода од документарната емисија прикажува зебри кои се обидуваат да преминат река додека опасност им се заканува од крокодили. Додека во една сцена зебрата е прикажана во стадото кое се обидува да го следи, во следната е прикажана нејзината прилично неубедливо исечена глава која се губи во струите на реката.

Гледачите го изразија нивното незадоволство поради неубедливата компјутерска анимација на социјалните мрежи. Негодувањето го забележа и режисерот Џон Доунер кој серијата ја направи за BBC и Discovery.

„Намерата ни беше да изградиме чист и драматичен наратив кој го отсликува секојдневието на животните. Животните не се направени со компјутерски техники, но истите се користени за да помогнат во текот на драматичната ситуација“, стои во соопштението на режисерот.

Коментирај