National Geographic објави трејлер за најновиот документарец за животното дело на докторката Џејн Гудал, најпознатиот британски приматолог во светот.
Документарецот „Jane Goodall: The Hope“ ќе има премиера на 22 април, Денот на планетата Земја, на Nat Geo, Nat Geo WILD и Nat Geo Mundo.
Двочасовниот филм ги опфаќа сите поглавја од плодната кариера на Гудал во изминатите 60 години, вклучувајќи ја нејзината работа со шимпанза, активизмот и создавањето на непрофитната организација Jane Goodall Institute, како и програмата за помош на млади Roots & Shoots за нејзините напори да ја инспирира следната генерација.
Гудал (86) уште активно патува насекаде низ светот и никаде не се задржува подолго од неколку недели. Нејзините предавања за тоа што научила во текот на повеќедецениското проучување на шимпанзата во Танзанија, се распродадени месеци однапред.
Анџелина Џоли, Колин Фирт и Џад Апатоу се нејзини огромни обожаватели, а во нејзина чест Мајкл Џексон ја напиша песната „Heal The World“.
