На девизниот пазар, вредноста на доларот во однос на кошницата валути падна втор ден по ред и дополнително се лизна од највисокото ниво во последните 20 години.
Индексот на доларот кој ја покажува вредноста на американскиот долар во однос на другите шест најважни светски валути се движи околу 107,50 поени, додека вчера во ова време изнесуваше 107,78 поени.
Истовремено, курсот на доларот во однос на јапонската валута се лизна од вчерашните 138,35 на 137,95 јени.
Американската валута исто така ослабе во однос на европската, па цената на еврото достигна 1,0135 долари, додека вчера во ова време беше 1,0105 долари.
Цените на нафтата, пак, утрово благо паднаа, откако вчера скокнаа за околу 5 отсто.
Цената на барелот на лондонскиот пазар се лизна за 0,39 отсто, на 105,85 долари, додека на американскиот пазар цената на барелот се намали за 0,19 отсто, на 102,40 долари.
Цените на акциите паднаа на азиските берзи во вторникот, како и на Волстрит еден ден претходно, бидејќи инвеститорите не се склони кон поризични инвестиции пред дополнителното зголемување на каматните стапки на централната банка.
Индексот MSCI на азиско-пацифичките акции, без јапонските акции, беше во минус од 0,7 отсто околу 07:00 часот, откако вчера скокна за 1,8 отсто.
Истовремено, на токиската берза индексот Nikkei зајакна за 0,7 отсто, додека цените на акциите во Шангај, Јужна Кореја, Австралија и Хонгконг паднаа меѓу 0,3 и 1,1 отсто.
Азиските инвеститори се склони кон ризик бидејќи централните банки најавуваат зголемување на каматните стапки поради високата инфлација.
Од записникот од неодамнешниот состанок на австралиската централна банка, објавен утрово, евидентно е дека наскоро таа банка дополнително ќе ги зголеми каматните стапки, откако неодамна ги зголеми за 0,50 процентни поени.
Во четврток, пак, ќе се сретнат челниците на Европската централна банка (ЕСБ), кои најавија прво зголемување на каматните стапки од 2011 година, за 0,25 процентни поени.
Истиот ден ќе се одржи состанок на шефовите на јапонската централна банка, но од нив не се очекува заострување на монетарната политика, со оглед на тоа што економијата е слаба, а инфлацијата не е превисока.
Азиските пазари го следат вчерашниот пад на Волстрит. Dow Jones загуби 0,69 отсто, додека S&P 500 се лизна за 0,84 отсто, а Nasdaq индексот 0,81 отсто.
На самиот почеток на тргувањето овие индекси беа во позитивна територија бидејќи инвеститорите се надеваа дека е можно продолжување на растот на цените на акциите.
Имено, тие силно пораснаа во петокот бидејќи стивнуваат стравувањата на инвеститорите дека американската централна банка ќе ги зголеми клучните каматни стапки за цел процентен поен.
Но, во понеделникот, ентузијазмот се намали бидејќи високата инфлација ќе значи дека ФЕД ќе мора агресивно да ги зголеми каматните стапки на состанокот во јули, можеби не за цел процентен поен, но речиси сигурно за 0,75 процентни поени.
„Навистина е тешко да се одржи нагорната динамика на пазарот. И тоа е обично приказна за „мечкин пазар““, вели Рос Мејфилд, стратег во Baird.
Ниту кварталните деловни резултати не се импресивни. Сепак, повеќето компании и банки известуваат за подобри резултати од очекуваните во вториот квартал. Сепак, резултатите се подобри од очекуваните бидејќи очекувањата се генерално мали.
Така, на пример, цената на акциите на Goldman Sachsдонекаде порасна, откако оваа инвестициска банка пријави помал од очекуваниот пад на заработката во последниот квартал, за 48 отсто.
