Конечно е познат датумот кога биде достапна долгоочекуваната игра Test Drive Unlimited Solar Crown, но гејмерите ќе почекаат уште некое време.
Издавачот Nacon објави дека планира да ја пласира играта на пазарот на 22 септември 2022 година. Оваа информација беше објавена за време на настаните на Nacon Connect, а развивачот KT Racing откри дека играта е сместена во Хонгконг, за разлика од претходните игри чие дејство беше на Ибица и островот Оаху. Исто така, инвеститорот тврди дека се работи за идентична копија на Хонгконг, вклучувајќи урбани делови, шуми, планини, плажи и многу повеќе.
Играта ќе има тркачки турнир, но и конфликт помеѓу два клана наречени Streets и Sharps. Гејмерите ќе можат да се приклучат на еден клан и да се обидат да напредуваат со цел да го поразат спротивниот клан.
Повеќе детали за играта се очекуваат во наредните месеци.
Во меѓувреме, Nacon и развивачот Daedalic понудија нов увид во The Lord of the Ring: Gollum, кој ќе се појави есента 2022 година.
Исто така, објавен е и тизер за играта RoboCop: Rogue City во која легендарниот сајборг ги чисти улиците на Детроит. Станува збор за пуцачка игра од прво лице на развивачот Teyon која за компјутери и конзоли ќе биде достапна во 2023 година.
Nacon откри дека играта Steelrising доаѓа во јуни 2022 година, а игрите Vampire: The Masquerade - Swansong и Blood Bowl 3 се одложени за истата година.
