Домашна камера за надзор го снимила моментот кога метеорит паднал покрај куќа во Канада. Се верува дека ова е првиот регистриран случај од ваков тип.

Канадски пар го напуштил својот дом и излегувајќи на прошетка само неколку минути пред да удри метеоритот. Надворешната домашна камера за надзор го снимила моментот кога паднало парче вселенска карпа. Се слушна тресок и во кадарот се појавува сива прашина.
Инцидентот се случил минатата година, но видеото снимено од камерата на Џо Велаидум и неговата сопруга Лора Кели дури сега стана вирално во медиумите. Откако се вратиле од нивната прошетка, забележале дека дел од плочникот е покриен со прашина во форма на ѕвезда.
Со прегледување на снимката од камерата, откриле дека парче вселенска карпа удрило во земјата.
„Да останев на тоа место две минути подолго, метеоритот ќе ме погодеше и веројатно ќе ме убиеше“, изјави Велаидум за CNN.
Неколку месеци подоцна е направена лабораториска анализа која потврдила дека се работи за објект од вселената. Овој метеорит го добил името Шарлоттаун по град на островот Принц Едвард во Источна Канада.
Во Канада се откриени и регистрирани 69 метеорити, но Шарлоттаун се издвојува бидејќи е снимен со придружен звук.
„Според моите сознанија, ова е прв пат метеорит да удри во површината на Земјата, вклучувајќи видео и звук“, рече професорот Крис Херд.
Повеќето удари од метеорити остануваат незабележани бидејќи согоруваат во атмосферата или паѓаат на далечни локации. Малкумина биле во близина на место на удар на метеорит кога тоа се случило.