Оваа паштета од маслинки ќе стане вашиот омилен намаз, особено ако сте љубители на плодовите од ова медитеранско растение.
Маслинките, а особено маслиновото масло, имаат посебно место во готвењето. Маслинките најчесто се служат како прилог или додаток во салата, а сега од нив можете да направите вкусен намаз кој ќе ги воодушеви и најпребирливите. Потребни ви се само неколку состојки и неколку минути за подготовка, а одлично е како предјадење или појадок. Погрижете се кога ги подготвувате да користите маслинки кои не се горчливи. Најдобро од сè, оваа домашна паштета од маслинки е направена од целосно природни состојки, без додадени конзерванси или адитиви.
- 150 гр црни маслинки
- 1 лажица сок од лимон
- 3 чешниња лук
- 60 мл маслиново масло
Добро исплакнете ги маслинките добро под ладна вода и исцедете ги. Оставете ги да се исушат на крпа или избришете ги. Извадете ги семките, исечкајте ги на помали парчиња, па ставете ги во блендер или сецко. Додадете сок од лимон, ситно сечкан лук и измешајте сè додека не добиете кашеста смеса. Ставете во стаклен сад или тегла и постепено додавајте маслиново масло со постојано мешање додека не добиете компактна смеса. Треба да се чува поклопено во фрижидер и малку да се промешува пред секоја употреба, бидејќи од стоење маслото може да излезе на површината.
