Шведската скијачка Јона Сундлин победи во класичниот спринт на Светското првенство во Планица.
Таа во финалето растојанието од 1,4 километри го помина за 3:21,67 минути.
Втора на целта мина нејзината сонародничка Ема Рибом со заостанување од 87 стотинки.
Бронзата ѝ припадна на уште една Швеѓанка - Маја Далквист, со 4,5 секунди послабо време од победничката.
Во квалификациите во оваа дисциплина настапи Македонката Ана Цветановска која го освои 86. место во конкуренција на 100 натпреварувачки.
