Останати спортови

Доминик Бризил преживеа една рунда против Вајлдер

19. мај 2019 - 10:33 | Кајгана/МИА
Бруклин, 19 мај 2019 (МИА) – Дуелот во тешка категорија меѓу американските боксери Дионтеј Вајлдер и Доминик Бризил траеше помалку од една рунда на рингот во „Барклис Центар“ во Бруклин.

Вајлдер, кој е шампион во верзијата ВБЦ, речиси ја исполни заканата да заврши еднаш засекогаш со својот ривал, откако го испрати на подот со силен удар минута пред крајот на првата рунда, а Бризил не успеа да се исправи на нозе.

Со победата, Вајлдер даде силна најава за дуел за обединување на титулите со Ентони Џошуа, а сличен судир ќе предизвика огромен интерес.

Вајлдер веќе има 41 победа, од кои 40 со нокаут. Ова беше 9-та успешна одбрана на титулата во ВБЦ, која ја освои во 2015 година.

Спротивно на заканите пред мечот, и двајцата се прегрнаа на рингот, со тоа сакаа да покажат дека нивното непријателство минато.

Коментирај