Во обраќање пред новинарите во Обединетите Нации во Њујорк американскиот претседател Доналд Трамп изјави дека тој би требало да ја добие Нобеловата награда„за многу работи“, но дека одборот не е поштен.
„Мислам дека може да добијам Нобелова награда, ако чесно ја доделуваат. На Обама му ја дадоа веднаш откако седна на претседателската функција и не ни знаеше зошто ја доби“, изјави Трамп и се пошегува: Знаете што? Тоа беше единственото нешто за кое се сложив со него“.
Претходно годинава медиумите објавија дека Трамп е номиниран за наградата од јапонскиот премиер Шинзо Абе и двајца норвешки политичари поради неговите позитивни потези на Корејскиот Полуостров и ублажување на напнатоста со севернокорејскиот лидер Ким Џонг Ун.
Барак Обама е последниот Американец кој доби Нобелова награда за мир.