Голманот на Милан Џанлуиџи Донарума е подготвен на радикален потег само за да ја врати довербата на навивачите, пренесува порталот Tribal Football.
Донарума планира да ги раскине сите врски и односи со својот менаџер Мино Раиола, а некои членови на семејсвото веќе разговарале со еден негов роднина.
Младиот голман е еден од највредните играчи на Милан, а во текот на изминатото лето се поврзуваше со трансфер во бројни европски великани.
Меѓутоа, неговиот менаџер му обезбеди нов договор во Милан, според кој овој 18-годишен голман ќе заработува шест милиони евра годишно, а ќе остане во Милан до 2021 година.
Раиола во меѓувреме бара поништување на договорот кој неговиот клиент го потпишал во текот на летото, а како главен аргумент навел дека Донарума трпи морално злоставување во клубот, односно дека бил присилен на нов договор.
Сега останува Донарума да донесе одлука, односно да остане со менаџерот кој секогаш ќе се стреми кон богати договори или да се раздели од него и на тој начин да се обиде да се врати во милост на навивачите на „Росонерите“.
